Տարեց տղամարդը ամեն օր, երեսուն տարի շարունակ, ուժեղ ալկոհոլային խմիչքներ է օգտագործել, ինչի արդյունքում հազվագյուտ հիվանդությունը նրան վերածել է «կոմիքսների հերոս՝ Հալքին»։
Միստեր Թանի սերը ալկոհոլի նկատմամբ 13 տարեկանից էր սկսվել։ 40 տարեկանում նա արդեն չէր կարողանում առանց օրական մեկ լիտր ցորենի գինու։ Ավելի ուշ Թանի վիզը սկսեց այլանդակվել և նրան սկսեցին Հալք ասել։ 68-ամյա տղամարդու մոտ Մադելունգի հիվանդություն են ախտորոշել, որը հայտնի է նաև որպես բազմակի համաչափ լիմոպատոզ։ Այդ հիվանդության ժամանակ ճարպի հյուսվածքները աճում են վզի և ուսերի շրջանում։ Հիվանդությունը ի հայտ է գալիս ալկոհոլի չարաշահումից։
Բժիշկներն ասել են Թանին, որ չանհանգստանա, քանի դեռ ճարպը չի խանգարում նրա շնչառությանը։ Սակայն շուտով ճարպաշերտերը սկսեցին սեղմել շնչափողի վրա, խանգարել շնչառությանն ու ցավեցնել։ Այժմ Թանը պատրաստվում է վիրահատության, հնարավոր է, որ նրան նաև լիպոկսացիա անեն։ Սակայն ամեն ինչ կարող է կրկնվել, եթե նա վերջ չտա խմելուն։