Մեգան Մարքլի և արքայազն Հարիի՝ տարվա ամենասպասված հարսանիքին մնում է 59 օր։ Եվ մինչ ողջ աշխարհը հետաքրքրությամբ հետևում է պալատի պատրաստություններին, համացանցում տոնի վերաբերյալ առաջին պաշտոնական մանրամասներն են հայտնվել։ Այսօր հայտնի է դարձել, որ զույգն արդեն հրուշակագործ է ընտրել՝ հարսանեկան տորթը պատրաստելու համար։ Արարողության գլխավոր տորթը վստահվել է խոհարար Քլեր Փթեքին։ Սիրահարները լիմոնային շերտերով տորթ են պատվիրել, որը զարդարված է լինելու գարնանային ծաղիկներով։ Հարկ է նշել, որ Քլեր Փթեքը, ինչպես և Մեգան Մարքլը, կալիֆորնիայում է մեծացել։ Մի քանի տարի առաջ նա տեղափոխվել է Լոնդոն, որտեղ հիմնել է իր Violet Cakes հրուշակեղենի խանութը։