Սերժ Սարգսյանի պաշտոնավարման երրորդ ժամկետի դեմ պատրաստ ենք պայքարի այն ձևին, որը կբերի հաղթանակ: Այս մասին «Առաջին լրատվական»-ի հետ զրույցում նշեց ԱԺ «Ելք» խմբակցության պատգամավոր Մանե Թանդիլյանը:
Հարցին, թե գործող նախագահի վարչապետ առաջադրվելը համարո՞ւմ եք ամենաթաթողություն, պատգամավորն արձագանքեց․«Միամտություն էր կարծել, թե Սերժ Սարգսյանը հրաժարվելու էր վարչապետի պաշտոնից: 2017-ի ապրիլի 2-ին ակնհայտ էր, որ մարդիկ ընտրել են այն կուսակցությանը, որի անփոխարինելի թեկնածուն Սերժ Սարգսյանն էր, բայց քաղաքական գործչի մասին խոսել որպես անփոխարինելի, դա խոսում է ՀՀԿ-ի սնանկության մասին և տվյալ քաղաքական գործչի անհեռատեսության և ոչ պետականամետ գործունեության մասին»,-նկատեց պատգամավորը: