Մթնոլորտում ջերմոցային գազերի արտանետումները նվազեցնելու համար արագ սննդի ցանցը կհրաժարվի ֆրիի և գրիլի հին սարքերից:
«McDonald’s» արագ սննդի ցանցը հայտարարել է, որ մոտ ապագայում, կնվազեցնի ջերմոցային գազերի արտանետումները, ինչպես նաև կփոփոխի մսի արտադրության տեխնոլոգիան, հաղորդում է Bloomberg-ը:
Արագ սննդի ռեստորանների աշխարհի խոշորագույն ցանցը խոստացել է, որ մինչև 2030 թվականը կնվազեցնի վնասակար ջերմոցային արտանետումների քանակը 36% -ով: Օրինակ, խոհանոցներում ֆրիի և գրիլի ավանդական սարքերի փոխարեն կհայտնվի նոր սերնդի սարքավորում, որը ավելի էներգախնայող է և մթնոլորտ ավելի քիչ վնասակար նյութեր է նետում:
Փորձագետները կարծում են, որ դա կարող է ազդել մսային ճաշատեսակների՝ բուրգերների, նագիթսի և այլ բաների համի վրա:
Բացի այդ, «McDonald’s»-ի մատակարարները փորձարկում են անասունների նոր փարախներ, որոնք խնայում են տարածքը և թույլ են տալիս, որ հողը և բույսերը վերականգնվեն ավելի արագ:
Ընկերության խոսքով, նման միջոցառումները համարժեք են ճանապարհներից 32 միլիոն ավտոմեքենա միանգամից հեռացնելուն: