Ֆրանսիայում համբուրգերների վաճառքը առաջին անգամ գերազանցել է ֆրանսիական ավանդական արագ սննդի` կարագի և խոզապուխտով սենդվիչի վաճառքը: Այս մասին հայտնում է BFMTV-ը:
Ընդհանուր առմամբ, անցյալ տարի Ֆրանսիայում վաճառվել է 1,46 միլիարդ բուրգեր, մինչդեռ նույն ժամանակամիջոցում վաճառված ավանդական սենդվիչների քանակը 1,21 միլիարդ է:
Նշվում է, որ ամերիկյան ճաշատեսակը ներկայացված է երկրի ռեստորանների 85%-ի մենյուում:
Gira Conseil մարքեթինգային ընկերության տնօրեն Բեռնար Բուտբուլի կարծիքով` ֆրանսիացիների շրջանում համբուրգերների աճող ժողովրդականության պատճառն այն է, որ նրանում առկա են երկրում ամենամեծ պահանջարկ ունեցող չորս մթերքները` հացը, միսը, պանիրը և կարտոֆիլը: