Վիճակախաղով միլիոնավոր դոլարներ շահած ամերիկացին 20 տարի անց դարձել է բանկեր կողոպտող: 55-ամյա Ջեյմս Ալեն Հեյեսին կասկածում են 2017 թվականին իրականացված 11 կողոպուտների մեջ:
Որպես օրենք՝ նա գանձապահին երկտող էր տալիս, որտեղ գրված էր լինում, որ ինքը զինված է և գումար էր պահանջում: Այս եղանակով նա մոտ 40 հազար դոլար է գողացել:
ԶԼՄ-ները նրան «PT Cruiser-ով ավազակ» անունն են տվել, քանի որ որոշ կողոպուտներ նա իրականացրել է հենց այդ մակնիշի մեքենայով:
Հինգշաբթի օրը, մարտի 15-ին, Հեյեսը գործարքի է գնացել ոստիկանների հետ և խոստովանել է չորս կողոպուտների մասին: Գործարքի պայմանների համաձայն՝ նրանից կբռնագրավեն PT Cruiser մեքենան, որը նա ձեռք է բերել գողացված գումարով:
1998 թվականին Հեյեսը վիճակախաղով 19 միլիոն դոլար էր շահել: Ապահարզանից հետո գումարի կեսը հասել է նրա կնոջը: Հայեսին 6 միլիոն է մնացել, սակայն այդ ժամանակ նա թմրանյութերից կախում է ձեռք բերել, և շաբաթական առնվազն 1000 դոլար է ծախսել կոկաին ձեռք բերելու համար: 2017 թվականին, երբ նրան բռնել են, նա ապրելիս է եղել ավտոտնակում:
