Պլաստիկ դեկորատիվ վիրաբուժության զոհ, գլամուրային բլոգեր Մարիա Դելգիդիսը, ավելի քան 200 վիրահատության է ենթարկվել իդեալական արտաքին ունենալու համար։ Մարիան Facebook-ում իր լուսանկարներից կոլլաժ է հրապարակել, որպեսզի ցույց տա, թե ինչպես է փոխվում իր արտաքինը յուրաքանչյուր նոր վիրահատությունից հետո։
Որպես հերթական իդեալ նա ընտրել է Ջենիֆեր Լոպեսին, սակայն չափն անցել է և հետույքն այնքան է մեծացրել, որ հիմա, բառացիորեն, չի կարողանում նստել։
Նույնիսկ լրագրողների հետ զրուցելիս նա ստիպված է կանգնած մնալ. բազկաթոռի մեջ նա չի տեղավորվում, էլաստիկ իմպլանտները նրան դուրս են հրում նստատեղից։
«Ես վախենում եմ, որ մի օր իմ բոլոր իմպլանտները կպայթեն, դրանք այնքան շատ են»,– իր ապրումներով լրագրողների հետ կիսվել է Մարիան ։
Առաջին պլաստիկ վիրահատությունը նա արել է 17 տարեկանում, մեծացրել է կուրծքը, իսկ դրանից հետո վիրաբուժական միջամտությունները հետևել են մեկը մյուսին։ Բժիշկները նրան առաջարկում են հոգեբանի դիմել՝ նոր վիրահատությունների ենթարկվելու կպչուն մտքից ազատվելու համար։