Արևելյան Ֆինլանդիայի համալսարանի գիտնականերն ապացուցել են, որ օմեգա–6-չհագեցած ճարպաթթուների բարձր պարունակությամբ սնունդը ի զորու է նվազեցնել սրտանոթային հիվանդությունների և անժամանակ մահվան հավանականությունը։
Գիտնականները որոշել են 42-60 տարեկան 2480 տղամարդու արյան մեջ ճարպաթթուների առկայության մակարդակը։ Հետազոտման 22 տարիների ընթացքում հիվանդություններից 1143 մարդ է մահացել։ Պարզվել է, որ անժամանակ մահվան հավանականությունը 43 տոկոսով ցածր է եղել այն մարդկանց մոտ, ում օրգանիզմում լինոլաթթվի ամենաբարձր խտությունն է եղել։
Լինոլաթթվի աղբյուր են հանդիսանում բուսական յուղերը, ընդեղենն ու սերմերը։