«Սասնա ծռերի» գործով արդար դատաքննության իրավունքի խախտումը դարձել է միջազգային իրավապաշտպան կազմակերպության զեկույցի առիթ։ Երբ «Սասնա ծռերի» գործով դատարաններում սկսվեցին համատարած խախտումներ, փաստաբաններին սկսեցին խուզարկել, թույլ չտալ դատարանում արտահայտվել: Հելսինկյան ասոցիացիան դիմել էր միջազգային կառույցների, իրավապաշտպան կազմակերպությունների՝ արձագանքելու խախտումներին: Հելսինկյանի կոչին ամենաարագն արձագանքել էր Քաղաքացիական համերաշխության պլատֆորմը, որից հետո իրականացված ուսումնասիրությունների արդյունքում պատրաստվել է «Ապակե պատից այն կողմ. արդար դատավարության իրավունքը «Սասնա ծռերի» գործում» զեկույցը։
Հելսինկյան ասոցիացիայի փաստաբան Նինա Կարապետյանցն «Առաջին լրատվական»-ի հետ զրույցում ասաց, որ զեկույցը բավական արժեքավոր է։ Հայաստանում են եղել միջազգային կառույցների 5 ներկայացուցիչներ, լսվել է բոլորի կարծիքները, բոլոր կողմերին։ «Զեկույցում տեղ են գտել դատարանի դահլիճում ամբաստանյալների նկատմամբ բռնություննրը, փաստաբանների նկատմամբ սանկցիաները, փաստաբանների մուտքի խոչընդոտման դեպքերը դատարանի դահլիճ։ Այս զեկույցը շատ լուրջ ինդիկատոր կարող է լինել և պետք է գրավի բոլորի ուշադրությունը»,- ասաց Կարապետյանցը։
Առավել մանրամասն՝ տեսանյութում: