Երևանի ավագանին ձայների 46 կողմ, 5 դեմ համամասնությամբ հաստատեց Երևանի զարգացման ծրագրի 2017 թվականի հաշվետվությունը: Երևանի քաղաքապետի տեղակալ Վահե Նիկոյանն ասաց, որ 2017 թվականին իրականացված ծրագրերը, աշխատանքներն ու միջոցառումներն ուղղված են եղել Երևանի զարգացման 2014-2017թթ. քառամյա ծրագրով նախանշված հիմնախնդիրների լուծմանը՝ հաշվի առնելով գերակա ուղղությունները։ «Մշտական ուշադրության կենտրոնում են եղել Երևանի բնակիչների սոցիալական պաշտպանության խնդիրները։ Շարունակական են եղել պետական և համայնքային սոցիալական ծրագրերի իրականացման աշխատանքները՝ ուղղված քաղաքացիների սոցիալական երաշխիքների ապահովմանը, սոցիալական խոցելի խավերի, կյանքի դժվարին իրավիճակներում հայտնված անձանց պաշտպանությանը»,-ասաց նա;
2018 թվականի փետրվարի 8-ից մինչև փետրվարի 23-ը Նախագծի վերաբերյալ կազմակերպվել են հանրային քննարկումներ՝ հանրային բաց լսումների եղանակով: Նախագծի վերաբերյալ հանրային բաց լսումների եղանակով կազմակերպված հանրային քննարկումների արդյունքներն ամփոփվել են, ըստ որի՝ լրամշակվել է Երևանի զարգացման 2017 թվականի ծրագրի իրականացման հաշվետվությունը։ 2018թ. փետրվարի 26-ին հրավիրված նիստին հաշվետվությունը ներկայացվել է Խորհրդի անդամներին, և տրվել է դրական եզրակացություն՝ սահմանված կարգով ներկայացնելու Երևան քաղաքի ավագանուն:
