«Երբևէ չէի պատկերացնի, որ աշխարհում կգտնվի որևէ հայ, որը կնախաձեռնի նման հարց քննարկել»,- Երևանի ավագանու նիստում ընթացող քննարկմանը, անդրադառնալով «Երկիր ծիրանի» խմբակցության առաջարկին՝ անվանափոխել Վազգեն Սարգսյանի անվան փողոցը, հայտարարեց ՀՀԿ խմբակցության անդամ Արա Կետիկյանը:
Նրա խոսքով՝ ինքը մինչև վերջին պահը հուսով է եղել, որ «Երկիր ծիրանի»-ի անդամները կսթափվեն և հետ կվերցնեն նախագիծը. «Նրանք ուշքի չեկան, որովհետև նրանց դրսի տերերը նրանց թույլ չտվեցին: Պատվերը կարող է գալ շատ ավելի մոտիկից, ասեմ ավելին՝ ուղիղ հարևան հանրապետությունից: Տա Աստված, որ ես սխալվեմ, և սա ձեր հերթական ցնդաբանությունն է»:
Ինչպես նշեց Կետիկյանը, «Երկիր ծիրանի»-ի՝ թուրքին հարիր արարքը վիրավորանք է ոչ միայն մեր սպարապետի, այլև բոլոր կռված տղաների հանդեպ. «Կանգ առեք, հեռու պահեք ձեր կոյուղաջրոտ ձեռքերը մեր սպարապետի հիշատակից: Միևնույն է՝ ձեր նախագիծը 2-3 ձայնից ավելի չի հավաքի»:
Մանրամասները՝ տեսանյութում: