Անցյալ շաբաթ Ալլա Պուգաչովային, Մաքսիմ Գալկինին և նրանց երեխաներին՝ Լիզային ու Գարիին նկատել են Կիպրոսի լավագույն հյուրանոցներից մեկում՝ Four Seasons-ում։ Պուգաչովայի ընտանիքը Լիմասոլում ընդամենը երկու օր է անցկացրել։
«Նրանք առաջին անգամ չեն մեզ մոտ հյուրընկալվում։ Ալլա Բորիսովնան և Մաքսիմն այստեղ եղել են օգոստոսի վերջին, սեպտեմբերի սկզբին, մի քանի օր անցկացրել և տարածքից նույնիսկ դուրս չեն եկել։ Նրանց շատ է դուր եկել մեզ մոտ, այդ պատճառով նրանք այժմ այստեղ են՝ ծովին նայող շքեղ համարում»,-ասել են հյուրանոցում։
Այս անգամ ընտանիքն այնտեղ է մեկնել գործերով՝ կապված անցյալ տարի Կիպրոսում անշարժ գույքը ձեռք բերելու և այդ երկրի քաղաքացիություն ստանալու հետ։
«Նրանց բնակարանը գտնվում է Նեապոլիս շրջանում՝ հին պատմական քաղաքի և զբոսաշրջային գոտու սահմանին։ Դա յուրօրիկնակ մի նախագիծ է՝ ազդեցիկ ենթակառուցվածքով։ Ալլա Բորիսովնայի և Մաքսիմի բնակարանն արդեն հանձնել են, բայց այն վերանորոգման կարիք ունի։
Ամուսինները ստիպված էին երեխաներին բերել, քանի որ որոշ փաստաթղթերի ձևակերպման համար անհրաժեշտ է ընտանիքի բոլոր անդամների ներկայությունը»,-հավելել են հյուրանոցում։