Վրաստանի Գուդուարի լեռնադահուկային հանգստավայրում ճոպանուղու վթարի հետևանքով տուժած բոլոր զբոսաշրջիկներին հրավիրել են հաջորդ տարի այնտեղ անվճար հանգստանալու։ Նման առաջարկություն է արել հանգստավայրում հյուրանոցա-ռեստորանային համալիրներից մեկի սեփականատեր ընկերությունը։
«Մենք ցանկանում ենք, որ նրանք Գուդուարիից լավ տպավորություններով հեռանան և հաջորդ տարի այս սեզոնին դրա համար ամեն ինչ կանենք»,-ասվում է ընկերության հայտարարությունում։ Նշվել է, որ անվճար կարող են հանգստանալ նաև տուժածների ընտանիքների անդամները։
Վթարի հետևանքով 11 մարդ է տուժել՝ ՌԴ 6 քաղաքացի, 4 ուկրաինացի և մեկ կին՝ Շվեդիայից։
