Չինական Յուննան նահանգի բնակչի մոտից առգրավել են հիմալայան արջին, ում նա քոթոթ ժամանակ էր գտել, շան ձագի տեղ էր դրել և որպես շուն մեծացրել։
2015 թվականին տղամարդը սունկ է որոնել իր տան մոտակայքում գտնվող լեռներում և մի կենդանու է հանդիպել, որը, նրա խոսքերով, շուն էր հիշեցնում։ Նա որոշել է, որ դա շան ձագ է, բերել է նրան տուն և սկսել է խնամել։ Նա հասկացել է իր սխալը միայն այն ժամանակ, երբ կենդանին մեծացել է։ Պարզվել է, որ այն հիմալայան արջ է։ Նրա քաշը երեք տարում հասել է 80 կիլոգրամի։
Իշխանություններն իմացել են կենդանու մասին, երբ նրա տերը խառնաշփոթի մասին պատմել է համացանցում։ Ստուգման արդյունքում պարզվել է, որ նա հիմալայան արջեր պահելու պաշտոնական թույլտվություն չունի։ Չինաստանում դրա համար տուգանում են մինչև երեք հազար յուանի չափով։
Քանի որ տղամարդը լավ էր վերաբերվել կենդանուն և համագործակցել էր հետաքննության հետ, նրան ազատել են տուգանքից։ Կենդանուն տեղափոխել են կենդանիների հատուկ կացարան։