Լոնդոնյան «Աշ-Շարք ալ-Աուսաթ» թերթը գրում է, որ մարտի 17-ին Աֆրինի 11 բնակիչներ զոհ են դարձել թուրքական ռմբակոծությանը: Բնակչությունը քաղաքից զանգվածաբար փախչում է՝ վերջին 4 օրերին Աֆրինը լքել է 200.000 մարդ: Բնակավայրի մատույցներում մարտեր են ընթանում, որոնք ավելի ինտենսիվ են դառնում գիշերային ժամերին:
«Ալ-Արաբիա» հեռուստաալիքը փոխանցում է, որ Բաշար Ասադի ռեժիմը գրավել է ևս երկու բնակավայր՝ Արևելյան Գուտայում: Ընդդիմության ձեռքին են մնում հակամարտության անջատ օջախները, որտեղից փախչում է քաղաքացիական բնակչությունը՝ փախստական են դարձել Գուտայի առնվազն 7.000 բնակիչ:
«Ալ-Բավաբա» կայքը հաղորդում է, որ ՄԱԿ-ի գլխավոր քարտուղար Գուտերեշը լիբանանյան գրոհայիններին կոչ է արել վերջ տալ սիրիական հակամարտությանը միջամտելուն: Նա իր մտահոգությունն է հայտնել, որ «Հըզբոլլահը» մինչ այժմ զենքը վայր չի դրել, ինչպես պահանջում էին միջազգային բանաձևերը: Գլխավոր քարտուղարը նաև անհանգստություն է հայտնել՝ կապված իսրայելական օդուժի կողմից լիբանանյան օդային տարածքը ներխուժելու հետ:
«Ալ-Մասրի ալ-Յում» թերթը գրում է, որ Կարմիր ծովում ավարտվել են Եգիպտոսի և Ֆրանսիայի ռազմածովային ուժերի վարժանքները: Դրան մասնակցել են «Միստրալ» ուղղաթիռները, հետախուզանավեր:
