Ռուսական Red Wings ավիաընկերությունը ՀՀ քաղաքացիական ավիացիայի գլխավոր վարչության կողմից ստացել է թույլտվություն՝ Մոսկվա -Երևան- Մոսկվա երթուղով կանոնավոր չվերթներ իրականացնելու համար:
Չվերթների մեկնարկը կտրվի մարտի 18-ին և մինչև ապրիլի 2-ը կիրականացվեն շաբաթական 4 չվերթ հաճախականությամբ, իսկ ապրիլի 3-ից արդեն չվերթները կիրականացվեն շաբաթական 7 չվերթ հաճախականությամբ:
Այս կապակցությամբ ՀՀ քաղավիացիայի գլխավոր վարչության նախկին պետ Շահեն Պետրոսյանը «Առաջին լրատվական»-ի հետ զրույցում նշեց․ «Երբ 2014թ-ին Հայաստանն որդեգրեց այդ բաց երկնքի քաղաքականություն կոչեցյալը, փաստորեն, սա ռուսների համար էր․ որևէ այլ օտար պետության ավիաընկերություններ այդպես էլ Հայաստան չեկան, այլ հակառակը՝ գործող ընկերություններն էլ դադարեցրին իրենց թռիչքները Հայաստանից և հիմա փաստացի մեր ավիաշուկան տրված է ռուսական ընկերություններին և Հայաստանը դարձել է պռախադնոյ դվոռ ռուսների համար։
Այս Red Wings-ը շատ մուխանաթ ընկերություն է և մի քանի դեպքեր են տեղի ունեցել նրանց կողմից շահագործվող օդանավերի հետ․ պարկում լրիվ ռուսական օդանավեր են՝ «ՏՈՒ 204» և «Սուխոյ ՍուպերՋեթ», որոնք վտանգավոր օդանավեր են ու ինձ մոտ կասկածներ կան, որ նրանց պարտադրված է, որ իրենք միայն ռուսական օդանավերով թռիչքներ իրականացնեն և այս ընկերության շուկան ամբողջությամբ միայն Ռուսաստանն է, նրանք միջազգային չվերթներ չունեն, այլ ունեն միայն չարթերներ դեպի Իսպանիա և դեպի Եգիպտոս, բայց դրանք կրկնում եմ՝ չարթերներ են, այլ ոչ թե կանոնավոր թռիչքներ և այնպիսի տպավորություն է ստեղծվում, որ Հայաստանը ռուսական ինչ-որ գուբեռնիա է դառնում»։
Մանրամասները՝ տեսանյութում։
