Samsung Galaxy S9 և S9+ սմարթֆոններն արդեն հասանելի են նաև մեր երկրում: Հեռախոսների վաճառքի մասին մարտի 16-ին հայտարարեց Հայաստանում բջջային հեռախոսների և աքսեսուարների խանութների ամենամեծ ցանցը՝ “Mobile Centre” – ը, որը հանդիսանում է նաև մի շարք աշխարհահռչակ բրենդների պաշտոնական ներկրողն ու գործընկերը: Շնորհանդես-վաճառքի ժամանակ եղան բազմաթիվ խաղ-մրցույթներ, խաղարկվեցին Samsung ապրանքանիշի սմարթֆոններ, պլանշետներ և խելացի ժամացույցներ: Միջոցառման հյուրերի համար բազմաթիվ հետաքրքիր անակնկալներ եղան: Մրցույթն ամբողջացրեց «Արտ-Նաուկա» շոու ծրագիրը, որի շրջանակում բոլոր մասնակիցները և անցորդները հնարավորություն ստացան համտեսել հատուկ ձևով պատրաստված ուտեստներ և կոկտեյլներ:
Փորձագետների կարծիքով , նոր սմարթֆոնը կարող է պարծենալ իր տեսախցիկի ընձեռած լայն հնարավորություններով, բարձր որակով:
Կրկնակի 12-մեգափիքսելանոց բարելավված տեսախցիկն օժտված է գերդանդաղեցված նկարահանման ռեժիմով և բարձր զգայունությամբ: Այն հնարավորություն է տալիս անցում կատարել f/1.5 և f/2.4 ռեժիմների միջև: Կարելի է հիանալի լուսանկարներ ստանալ օրվա ցանկացած ժամի, նույնիսկ վատ լուսավորության դեպքում:
Տեսախցիկն ունի Dual-Pixel ավտոմատ ֆոկուսի համակարգ: Galaxy S9+-ը հետնամասում ունի նաև մեկ լրացուցիչ տեսախցիկ: Սմարթֆոնների առջևի մասում տեղադրված է 8ՄՊ տեսախցիկ: Մյուս նորույթը գերդանդաղ նկարահանման ռեժիմն է, որը թույլ է տալիս վայրկյանում 960 կադր ստանալ:
Նախորդ մոդելի պես այս հեռախոսները ևս չունեն շրջանակ, էկրանների տրամագիծը զբաղեցնում է համապատասխանաբար 5.8 և 6.2 մատնաչափ անկյունագիծ: Երկու հեռախոսներն էլ աշխատում են Snapdragon 845 պրոցեսորով, երկուսում էլ տեղադրված է Android 8.0 օպերացիոն համակարգը: Samsung Galaxy S9-ի օպերատիվ հիշողությունը 4ԳԲ է, իսկ Galaxy S9 +-ինը՝ 6ԳԲ: S9 մոդելի ներքին հիշողությունը 64ԳԲ է, իսկ S9+ մոդելինը՝ 64-256 ԳԲ: Հնարավորություն կա հիշողությունը մեծացնել Micro SD քարտի միջոցով:
Սելֆիի սիրահարներին ևս ընկերությունը չի մոռացել: Օգտատերը հեշտությամբ կարող է ստեղծել իր անիմացիոն կրկնօրինակը՝ պարզապես սելֆի անելով: «Սելֆիմոջի» -ն՝ (AR Emoji), կենդանություն կտա հաղորդագրություններին:
Սմարթֆոնների դինամիկները համալրված են Dolby Atmos տեխնոլոգիայով, որը պատկանում է Samsung–ին։
Նորույթը ջրակայուն է ու փոշի չի կլանում: Մատնահետքի սքաները տեղադրված է տեսախցիկի ներքևում:
Samsung Galaxy S9 սմարթֆոնի մարտկոցը 3000 ՄԱ/ժ է, իսկ S9+-ինը՝ 3500 ՄԱ/ժ: Բարելավվել է նաև Bixby օգնականը, որը կարողանում է ճանաչել պատկերներն ու թարգմանել գրությունը:
Հեռախոսները կարելի է գնել “Mobile Centre” խանութ-սրահների հայաստանյան 40-ից ավելի մասնաճյուղերից: Բջջային հեռախոսների մասնագիտացված ամենամեծ ցանցը Հայաստանում առաջարկում է ապառիկի լավագույն պայմաններ և տրամադրում է պաշտոնական երաշխիք: