Քիմ Քարդաշյանը չի դադարում նոր հայտարարություններով զարմացնել երկրպագուներին։ Այսպես, Elle պարբերականի հետ իր վերջին հարցազրույցներից մեկում աստղը խոսել է իր և իր ընտանիքի մասին։
37-ամյա Քիմն ասել է, որ հաճախ իր ոճի գլխավոր քննադատը Քանյե Ուեսթն է։ Նա խոսոտվանել է, որ ամուսինն իրեն արգելել է մեծ արևային ակնոցներ կրել։ Իսկ երբեմն Քանյեն Քիմին նման խնդրանքներ ուղարկում է էլեկտրոնային փոստով։
«Նա ինձ ոգեշնչող նամակներ է ուղարկում։ Եվ նրա մոտ դա շատ լավ է ստացվում,»,-ասել է Քիմը։
Քիմը, ով նաև հայտնի է սոցկայքերում սադրիչ լուսանկարների նկատմամբ իր սիրով, նշել է, որ կշարունակի «թեժ» լուսանկարներ հրապարակել՝ չնայած որ արդեն 3 երեխաների մայր է։ Նման վարքագիծը նա ամոթալի չի համարում։
Ի դեպ, աստղը խոստովանել է, որ արդեն հասցրել է մտածել, թե ինչպիսի տեսք է ցանկանում ունենալ մահվան մահճում, իսկ կտակում գրել է այն մասին, թե ինչպես պետք է հարդարված լինեն իր մազերը և ինչպիսի դիմահարդարում պետք է ունենա։
«Եթե ես այնքան հիվանդ լինեմ, որ չկարողանամ մտքերս արտահայտել, ես ցանկանում եմ, որ իմ դիմահարդարումը, սանրվածքը և մանիկյուրը իդեալական լինեն։ Ես ցանկանում եմ հնարավորինս լավ տեսք ունենալ»,-եզրափակել է Քիմը։