Արևմտյան վերլուծաբանների կարծիքով՝ Ռուսաստանում սկսել են մտածել առանց Վլադիմիր Պուտինի երկրի ապագայի և նրա հնարավոր փոխանորդների մասին։ Այսպես է կարծում ամերիկյան մասնավոր Stratfor վելուծական ընկերությունը։
Նշվում է, որ անձի պաշտամունքի գաղափարը, որն իր շուրջ ստեղծել է Պուտինը, սկսում է խնդրահարույց դառնալ ոչ միայն Ռուսաստանի, այլև հենց Պուտինի համար՝ նրան ստիպելով մտածել ապագա փոխանորդների մասին։
Ընկերության փորձագետի համաձայն՝ Պուտինն արդեն ընտրել է 30-40 տարեկան մի շարք պաշտոնյաների և փորձում է նրանց՝ կարևոր պետական պաշտոններ վստահելով։
«Նրանցից ամենաճանաչվածներ են՝ էկոնոմիկայի 35-ամյա նախարար Մաքսիմ Օրեշկինը, նախագահի աշխատակազմի 46-ամյա ղեկավար Անտոն Վայնոն և «Ռոսսելխոզբանկ»-ի խորհրդի 40-ամյա նախագահ Դմիտրի Պատրուշևը»,-գրում է ընկերության փորձագետը։
