«Հայաստանը Դուբայը կամ Սաուդյան Արաբիան չէ, որ դասախոսները, այլ մասնագետներ գան այստեղ գերշահույթներ ապահովելու համար։ Ես միշտ, երբ հարցազրույցներ եմ վարում օտարերկրացիների հետ, ովքեր ուզում են աշխատել Ամերիկյան համալսարանում, ասում եմ, որ դուք ինչ-որ կապ պետք է ունենաք Հայաստանի հետ, հոգևոր կապ պետք է ունենաք կամ ուզենաք Հայաստանի կյանքի որակը վայելել, բայց եթե դուք գալիս եք շահույթ ստանալու նպատակով, Հայաստանը սխալ տեղ է»,- «Առաջին լրատվական»-ի հետ զրույցում ասաց Ամերիկյան համալսարանի շարունակական կրթության բաժնի ղեկավար Սերգեյ Թանթուշյանը։
Նրա խոսքով՝ Հայաստանը արագ զարգացող և հետաքրքիր նոր ու բաց շուկաներ ունեցող երկիր է, և այստեղ մրցակցային լինելու համար պետք է շատ կրեատիվ լինես։
«Ամերիկյան համալսարանը ունի 27 տարիների պատմություն, երբ Սփյուռքը շատ ներգրավված է եղել, այսինքն՝ համալսարանը իր աշխատելաոճով արդեն գրավիչ է»,- հավելեց նա։
Ամբողջությամբ՝ տեսանյութում։
