Սոմչայ Սուբդանգը Բանգկոկից (Թաիլանդ) իր համար տանը հանգիստ նստած հեռուստացույց է դիտելիս եղել, երբ պատի միջից անհասկանլի ձայն է լսել։ Տղամարդը ականջը դրել է պատին և միանգամից սարսափած ետ է ցատկել. պատի այն կողմից սարսափելի ֆշոց է լսվել, այնպես, որ տղամարդը անմիջապես հասկացել է, որ այնտեղ օձ է։
Ժամանած փրկարարները, ենթադրել են, որ սողունը, վատ եղանակից փրկվելով, ճեղք է գտել և այդպիսով հայտնվել է պատի մեջ։ Ցավոք, նրանք ստիպված են եղել քանդել պատի մի մասը, և ի զարմանս բոլորի՝ այնտեղից դուրս են բերել 4,5 մետր երկարությամբ պիթոնին։
Օձին հեռացրել և բաց են թողել, իսկ Սոմչայը, թեև նեղված է, որ ստիպված է վերանորոգել պատը, միևնույնն է ուրախ է, որ անկոչ «հյուրին» կարողացել են դուրս հրավիրել իր տնից։
