«Հայաստանի գործատուների հանրապետական միությունը մտահոգված է ընթացող բարեփոխումների, նոր Սահմանադրության շրջանակներում իրականացվող օրենսդրական փոփոխությունների համատեքստում դեռևս առկա այնպիսի խնդիրներով, որոնք վերաբերում են պետական պաշտոնյաների մոտիվացիային, նրանց պատասխանատվությանը, տարբեր ռեֆորմների և ներդրումային ծրագրերի նկատմամբ դրսևորած վերաբերմունքին։
Բացի այդ, դեռևս առկա է նաև պետական պաշտոնյա-բիզնես սերտաճումը»,- այսօր «ՀՀ նոր Սահմանադրությունը, ընթացող փոփոխությունները և բիզնես մշակույթի խթանումը Հայաստանում․ պահանջներ և օրենսդրական նախաձեռնություններ» խորագրով քննարկման ժամանակ հայտարարեց Հայաստանի գործատուների հանրապետական միության նախագահ Գագիկ Մակարյանը։
Վերջինիս խոսքերով՝ մեծ անհրաժեշտություն է գործատուների շրջանում ձեռնարկատիրական մշակույթի խթանումը, լավագույն փորձի ներմուծումը և խթանումն այնպիսի ուղղություններով, ինչպիսիք են բիզնեսի ճիշտ կառավարումը, օրենքների իմացությունը, սեփական իրավունքների պաշտպանությունը, թափանցիկությունը, հակակոռուպցիոն կեցվածքը և այլն։
Մանրամասները՝ տեսանյութում։
