Այսօր լրանում է Ռուսաստանի և Թուրքիայի միջև 1921թ. կնքված բարեկամության և եղբայրության պայմանագրի 97-ամյակը:
Երևանի պետական համալսարանի ռեկտոր Արամ Սիմոնյանից փորձեցինք ճշտել, թե ինչպես է վերաբերվում այդ պայմանագրին, ինչին ի պատասխան Սիմոնյանն արձագանքեց.« Ժամանակները փոխվել են, իհարկե ՌԴ-ն մեր ռազմավարական դաշնակիցն է, սակայն Հայաստանի և հայերի հաշվին, որևէ համաձայնագիր չի կարողայլևս լինել: Մոսկվայի պայմանագիրը դառնությամբ ենք հիշում, դա մեր պատմության սև էջն է: Անշուշտ կգա ժամանակը, երբ հնարավորություն կընձեռվի ինչ-որ ձևով վերանայել այդ պայմանագիրը»:
ԵՊՀ ռեկտորը լիահույս է, որ մոսկվայի և կարսի պայմանագրերը մի օր վերանայվելու են․« Այդ պայմանագրերը վերանայելը անհրաժեշտություն է, սակայն դրա համար անհրաժեշտ է, որ հասարակությունը ուժեղանա, որ մենք կարողանանք մեր շահերը ներկայացնել աշխարհին»:
