Սիրիական ճգնաժամը միայն քաղաքական լուծում ունի: Այդ մասին մարտի 16-ին Աստանայում հայտարարել Է Իրանի արտաքին գործերի նախարար Մոհամադ Ջավադ Զարիֆը՝ ելույթ ունենալով Սիրիայում հրադադարի ռեժիմի երաշխավոր երկրների՝ Ռուսաստանի, Իրանի, Թուրքիայի նախարարական հանդիպմանը:
«Համատեղ ուժերով մենք փորձում ենք սիրիական ճգնաժամի քաղաքական լուծում գտնել,-ասել Է նախարարը:-Անհրաժեշտ Է շարունակել ջանքերի սերտ կոորդինացումն այդ գործընթացում: Սիրիական ճգնաժամը միայն քաղաքական լուծում ունի»: Նրա խոսքով՝ Աստանայի ձեւաչափը կշարունակի հաջողությամբ եւ արդյունավետ կերպով օգնել սիրիական խնդրի կարգավորման գործին:
«Կարեւոր Է համատեղ ջանքեր գործադրել, որպեսզի Սիրիայի տարածքն ազատվի ահաբեկչական բոլոր խմբավորումներից,-նշել Է նա:-Աստանայի գործընթացն ունի այն առավելությունը, որ այն պատերազմի ապաԷսկալացման միակ հաջող քայլն Է Սիրիայում: Մենք փորձում ենք հենվել այդ գործընթացի ձեռքբերումների վրա», հաղորդել Է ՏԱՍՍ-ը:
