10.38
Երևանի ոստիկանության պետ, ոստիկանության գնդապետ Սարգիս Մարտիրոսյանի հետ հեռախոսազրույց ունենալուց հետո Երևանի Հաղթանակ կամրջի վտանգավոր եզրագիծը հատած և նետվել պատրաստվող քաղաքացին համաձայնել է չդիմել այդ ծայրահեղ քայլին։
Անցնելով անվտանգ վայր՝ նա ոստիկանների ուղեկցությամբ տեղափոխվել է ոստիկանության Երևան քաղաքի վարչություն։
09.22
Արդեն 1 ժամ է՝ մի երիտասարդ անցել է Երևանի Հաղթանակ կամրջի վտանգավոր եզրագիծը և սպառնում է ինքնասպան լինել։
Այս մասին հայտնում է shamshyan.com կայքը։
Նա պահանջում է, որ իրեն այցելեն Ազգային ժողովի պատգամավոր Գագիկ Ծառուկյանը, Մալաթիա Սեբաստիայից ընտրված իրենց պատգամավորը կամ Երևանի քաղաքապետ Տարոն Մարգարյանը։
Այս պահին նրա հետ բանակցում է նաև Արտակարգ իրավիճակների նախարարության փրկարար ծառայության հոգեբան Տիգրան Սարգսյանը։
Աղբյուրի տեղեկություններով՝ այդ քաղաքացին նախկինում մեկ անգամ նույն եղանակով փորձել է նույն քայլին դիմել։
Մանրամասները՝ սկզբնաղբյուր կայքում։
