ՄԱՀՀԻ փորձագետ Գևորգ Մելիքյանի կարծիքով՝ Ռուսաստանում անցկացվելիք նախագահական ընտրությունները կարևոր իրադարձություն է, բայց միևնույն ժամանակ հասկանալի է, որ Պուտինին այսօր նույնիսկ մոտ այլընտրանք չկա։ «Պուտինը ձայների ծանրակշիռ մեծամասնությամբ ընտրվելու է՝ հաշվի առնելով այն բոլոր մանիպուլյատիվ միջոցները, որ կիրառում է, որպեսզի ոչ միայն ընտրվի, այլ մարդկանց ներկայությունն ու քանակը բարձր լինի»,- «Առաջին լրատվական»-ի հետ զրույցում ասաց Մելիքյանը։
Մեր զրուցակիցը, միևնույն ժամանակ, նշում է՝ 2016-ից հետո հայաստանյան ընկալման մեջ շատ բան է փոխվել. «Մարդիկ փորձագիտական մոտեցում չունեն, էմոցիոնալ են նայում, և այդ էմոցիաների վրա ազդեց Նժդեհի հետ կապված պատմությունը, նաև ռուսական հեռուստաընկերություններում ու մամուլում Հայաստանի դեմ խոսող որոշ նյութեր։ Ներքին պլանում, ավելի խորքային գործըթնացներում շատ բան հին իներցիայով է, մարդիկ դեռևս Ռուսաստանն ընկալում են որպես հարազատ»։
Գևորգ Մելիքյանը շարունակում է. «Անգամ խորհրդային տարիներին, Ռուսաստանը երբեք մեզ համար օրինակ չի եղել, երբեք չենք ասել՝ եկեք վերցնենք իրենց արժեքներն ու կենցաղը։ Պետք չէ՝ մարդիկ մոռանան այդ ամենը։ Հայաստանի քաղաքացուն պետք է հետաքրքրի սեփական երկիրն ու իր ընտրությունները։ Պետք է մտահոգվենք, թե ով է լինելու Հայաստանի քաղաքական էլիտան»։
Հարցազրույցն ամբողջությամբ՝ տեսանյութում։