Բակո Սահակյանի ամերիկյան այցը ամբողջ խիզախությամբ կարելի է համարել աննախադեպ է: Այս մասին «Առաջին լրատվական»-ի հետ զրույցում նշեց ՀՀԿ փոխնախագահ, ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը:
«Կոնգրեսում ելույթ ունենալու հնարավորությամբ այսպիսի այց երբեք չի եղել: Այս փաստը պետք չէ գերագնահատել, բայց չպետք է նաև թերագնահատել: Վաշինգտոնը մնացել էր քարտեզի այն սպիտակ մասը, որտեղ Արցախի ժողովրդավար իշխանությունները չէին ներկայացրել իրենց տեսակետները: Հայաստանը պետք է փորձի Արևմուտք-Ռուսաստան ճակատամարտում զերծ մնալ մարտադաշտ լինելուց»:
Ինչ վերաբերում է Հայ-ամերիկյան բարեկամական խմբի ԱՄՆ այցին, որի պատվիրակության անդամ էր նաև ինքը Աշոտյանը, վերջինս նկատեց, որ իրենց պատվիրակության և Բակո Սահակյանի այցը պետք է դիտարկել նույն գլոբալ համատեքստում: Հայ-ամերիկյան հարաբերությունների միակ ջրբաժանը պետք է լինի Ատլանտյան օվկիանոսը»,-նշեց Աշոտյանը:
