Ասիական ծագմամբ ամերիկուհին աչքերի պլաստիկ վիրահատություն է արել, որպեսզի նմանվի իր սիրելի Բարբի տիկնիկին։
Օֆելյա Վենիտին՝ Լոս Անջելեսից, չորս հազար դոլար է ծախսել բլեֆարոպլաստիկայի վրա. նա փոփոխել է կոպերի և աչքերի կտրվածքի ձևը։ 30-ամյա կինը փորձում է դառնալ եվրոպական արտաքինով տիկնիկի նմանակը։
Նա պատմել է, որ արդեն 35 հազար է ծախսել՝ իր մարմինը Բարբիի մարմնին նմանացնելու համար։ «Հիմա այնքան շատ տիկնիկներ կան, բայց ինձ դասական Բարբին է միայն գրավում»։,– ասում է նա։
Օֆելյա Վենիտին 72 հազար բաժանորդ ունի Instagram-ում, որտեղ ինքը պատմում է ցածր ինքնագնահատականի հետ իր պայքարի մասին։
