Հոլիվուդյան 60-ամյա դերասանուհի Շերոն Սթոունը նոր զուգընկեր ունի։ Դա 41-ամյա շվեյցարացի գործարար Անջելո Բոֆան է։
Սթոունը երկու անգամ ամուսնացած է եղել։ Նա երկու որդեգրած երեխա ունի։ Նրա անձնական կյանքի մասին անվերջ լուրեր են պտտվում, բայց դրանք այդպես էլ մնում են՝ լուրերի տեսքով։
Ըստ լրագրողների տեղեկությունների՝ Շերոնի և Անջելո Բոֆայի միջև հարաբերությունները սկսվել են մի քանի ամիս առաջ։ Վերջին ժամանակներս նրանց հաճախ են միասին տեսնում։ Մի անգամ լրագրողներին նույնիսկ հաջողվել է տեսնել, թե ինչպես են նրանք համբուրվում։ Թե որքանով են այս հարաբերությունները լուրջ՝ ցույց կտա ժամանակը։