Աշխարհի ամենազարգացած քաղաք է ճանաչվել Սինգապուրը։
Համապատասխան հետևություններ է արել Juniper Research խորհրդատվական ընկերությունը՝ Intel-ի հետ համատեղ հետազոտության արդյունքում։
Սինգապուրը գլխավորել է վարկանիշը բոլոր չորս չափանիշներով. շարժունակություն, առողջություն, անվտանգություն և արտադրողականություն։
Այսպես, հետազոտության մեջ նշվում է, որ Սինգապուրի բնակիչները կարող են տարեկան մինչև 60 ժամ խնայել զարգացած տրանսպորտային համակարգի շնորհիվ, իսկ տեսահսկման ցանցը օգնում է իրավապահ մարմիններին հաջողությամբ պայքարել հանցագործության դեմ։
Հետազոտության հեղինակները հավաստում են, որ 1965 թվականին Մալայզիայից բաժանվելուց հետո երկիր–պետությանը հաջողվել է մեծ թռիչքով զարգանալ և օրինակ դառնալ ամբողջ աշխարհի համար։
Առաջին հնգյակում են նաև Լոնդոնը, Նյու Յորքը, Սան Ֆրանցիսկոն և Չիկագոն։