Ֆիլիպ Կիրկորովը շոումեն Մաքսիմ Գալկինին անակնկալ է մատուցել՝ նրա ներկայիս կնոջը՝ Ալլա Պուգաչովային սիրո խոստովանություն անելով: Պրիմադոննային և բոլոր կանանց ուղղված շնորհավորանքները երգիչը տեղադրել է Instagram-ի իր էջում:
Երեկ Ֆիլիպի էջում հայտնվել է ֆոտոշարք՝ Կրեմլյան պալատում կայացած ելույթից հատվածներով: Համերգը նվիրված է Կանանց միջազգային օրվան: Հրապարակման մեջ Կիրկորովը հիշատակել է իրեն մտերիմ կանանց՝ դստերը՝ Ալլա-Վիկտորիային, երեխաների դաստիարակության մեջ օգնող դայակներին, ինչպես նաև Ալլա Պուգաչովայի նկատմամբ տածած իր ջերմ վերաբերմունքի մասին: Վերջինիս Ֆիլիպն անվանել է «ամենավառ կին»:
Իգական սեռի ներկայացուցիչները մեկնաբանություններում շնորհակալություն են հայտնել երգչին՝ շնորհավորանքի համար: Ալլա Պուգաչովային ուղղված սիրո խոստովանությունը ևս ուշադրությունից դուրս չի մնացել:
Հետևողներին հետաքրքրել է, թե ինչպես կարձագանքի դրան Մաքսիմ Գալկինը: