Կանանց միջազգային օրը Իսպանիայում անցկացվում է համընդհանուր գործադուլ, որի մասնակիցները պահանջում են կանանց ու տղամարդկանց իրավունքների իրական հավասարություն։
Համընդհանուր ֆեմինիստական գործադուլի, որն առաջինն է Իսպանիայում, կարգախոսն է «Առանց մեզ աշխարհը կանգ կառնի»:
Գործադուլավորների պահանջներն են՝ հավասար մասնագիտական հնարավորություններ տղամարդկանց ու կանանց համար (ժամանակավոր պարտավորագրերի 75 տոկոսը կնքվել է կանանց հետ), աշխատանքի հավասար վարձատրություն (կանայք 23 տոկոսով պակաս են ստանում, քան տղամարդիկ): Բացի այդ կանայք ավելի հաճախ են բռնության զոհ դառնում գենդերային հատկանիշով (անցյալ տարի 49 կին է զոհվել):
«Աշխատանքի ազգային համադաշնություն» և «Աշխատանքի համընդհանուր համադաշնություն» արհմիությունները հայտարարել են համընդհանուր գործադուլին աջակցելու մասին, սակայն երկրի խոշորագույն արհմիությունները՝ «Աշխատանքային հանձնաժողովները» և «Աշխատավորների համընդհանուր միությունը», կոչ են արել անցկացնել «մասնակի» գործադուլ՝ աշխատանքի երկու ժամը միջարկել երկու ժամ գործադուլով ամբողջ օրվա ընթացքում: Իսպանացի լրագրողներն ակտիվորեն ներգրավվել են համընդհանուր գործադուլին, ԶԼՄ-ներում աշխատող 7,7 հազար կանայք հռչակագիր են ստորագրել սեռական հատկանիշով խտրականության դեմ: Լրագրողուհիներից շատերը դուրս չեն եկել աշխատանքի, հեռուստատեսային մի քանի ծրագրեր չեղարկվել են:
Գործադուլը ներառել է նաև հանրային տրանսպորտը: Մադրիդում ու Բարսելոնայում երկաթուղային գնացքներն ու մետրոն երթևեկում են մեծ ընդհատումներով: Գործադուլ են անում նաև առանձին համալսարանների դասախոսները, մի շարք պարապմունքներ չեղարկված են:
Իսպանացի սոցիալիստներն ու Podemos կուսակացությունն աջակցել են գործադուլին, նրանց ղեկավարները կմասնակցեն հանրահավաքներին։