ՀՀ կալանավայրերի վարչության նախկին պետ Մուշեղ Սաղաթելյանի խոսքերով՝ այսօրվա Հայաստանի քաղաքական դաշտը Սերժ Սարգսյանի դեմ պայքարել չի կարող. «Սերժը վարչապետ չի լինելու, Ռուսաստանը փոխել-վերջացրել է իրեն, Սերժն ընդամենը պոչ է խաղացնում, որ դժգոհություններ չառաջանան իր անձի հետ կապված։ Մենք բոլորս գիտենք, որ Հայաստանում իշխանություն Ռուսաստանն է փոխում, ու եթե Սերժին փորձում է պահել՝ նշանակում է հենց Ռուսաստանը պետք է հեռանա այստեղից, պայքարը կտեղափոխվի այդ ուղղությամբ, ու դժգոհությունները Ռուսաստանի դեմ կլինեն»,- «Առաջին լրատվական»-ի հետ զրույցում ասաց Սաղաթելյանը։
Ինչ վերաբերում է իր նախաձեռնությանը՝ մարտի մեկին հավաքվելու և անելիքները քննարկելու հետ կապված, և մեր այն հարցին՝ ինչո՞ւ քաղաքական ուժերը դրան չարձագանքեցին, Մուշեղ Սաղաթելյանն ընդգծեց. «Մեր երկրում հասարակական-քաղաքական հարաբերությունները ձևավորված են ատելության վրա։ Օրինակ՝ քաղաքապետարանի դեպքը… իրենց անհրաժեշտ է պառակտում մտցնել, որ կառավարելը հեշտ լինի։ Իսկ դա ո՞ւմ է ձեռնտու՝ ԱԱԾ-ին։ Առանց ճշտելու, թե դա ում կոյուղին է, ում սեփականությունն է՝ ժողովրդի դժգոհությունը տեղափոխում են քաղաքապետարան։ Կարելի էր կագնել, ասել՝ պարոն քաղաքապետ, այս սեփականությունը պատկանում է արդարադատության նախարարությանը, խնդրում ենք, միջնորդեք, ժողովրդին վնաս են հասցնում, միջնորդեք, որ նորոգեն։ Ի՞նչ կարիք կար բերել, այդ աղջկա մազերը քաշել՝ ամբողջ աշխարհն է նայում։ Ինչ է թե կռվեն, միասնություն չլինի։ Պետք է բոլորն ամեն ինչը թողնեն մի կողմ ու միասնություն քարոզեն»,- եզրափակեց նա։
Հարցազրույցն ամբողջությամբ՝ տեսանյութում։