«Հանրահավաքը ոչ միայն «ազատություն քաղբանտարկյալներին» օրակարգով է, այլև ռեժիմի հավերժական դառնալու գործընթացը կանխելու և երկիրը ստալինյան ժամանակները վերադարձնելու դեմ է»,-«Առաջին լրատվական»-ի հետ զրույցում ասաց «Հանուն Հայաստան պետության» ճակատի անդամ, Կյուրեղյան եղբայրների հայրը՝ Արմենակ Կյուրեղյանը՝ անդրադառնալով մարտի 10-ին հրավիրած հանրահավաքին։
Արմենակ Կյուրեղյանը նշեց, որ հրավիրված է ոչ միայն Նիկոլ Փաշինյանը, այլ նաև բոլոր քաղաքական գործիչները, որոնք կարծում են, որ հիմա շատ կարևոր պահ է։
«Մեր կոչն ուղղված է այն բոլոր քաղաքական ուժերին, որոնք կարծում են, որ առանց միասնականության հնարավոր չէ արդյունքի հասնել և պատրաստ են համատեղել ջանքերը և միասնական գործողություններով հանդես գալ։ Կարծում եմ՝ շատ պարզ ցանկություն է և բացատրությունների կարիք չունի։ «Հանուն Հայաստան պետության» ճակատը կոչ է անում բոլորին միասնական գործողություններով հանդես գալ։ Ես անձամբ կմիանամ բոլոր այն քաղաքական կազմակերպություններին, որոնք հստակ գործողություններ կսկսեն երկիրն այս վիճակից, այս կործանման անդունդից հանելու համար»,- հավելեց նա։
Ամբողջությամբ՝ տեսանյութում։