ՀՀ Ազգային ժողովի փոխնախագահ, Հայաստան-ԱՄՆ բարեկամական խմբի ղեկավար Արփինե Հովհաննիսյանի գլխավորած պատվիրակությունը, որի կազմում են ՀՀ Ազգային ժողովի պատգամավորներ Արմեն Աշոտյանը, Նաիրա Զոհրաբյանը, Էդմոն Մարուքյանը և Աղվան Վարդանյանը, աշխատանքային այցով մեկնել է Ամերիկայի Միացյալ Նահանգներ: «Առաջին լրատվական»-ը կապ հաստատեց ԱՄՆ-ում գտնվող պատվիրակության անդամ, ԱԺ «Ելք» խմբակցության պատգամավոր Էդմոն Մարուքյանի հետ։
– Պարոն Մարուքյան, ի՞նչ սկզբունքով է ընտրվել հայկական պատվիրակությունը։
– Հայկական պատվիրակությունը ձևավորվել է Հայաստան-Միացյալ Նահանգներ բարեկամական խմբի հիման վրա։ Բարեկամական խումբը շատ մեծ է, եթե չեմ սխալվում՝ մոտ 30 անդամ։ Սակայն սկզբունքը եղել է՝ յուրաքանչուր խմբակցությունից մեկ անդամ, ինչպես նաև ԱԺ արտաքին հարաբերությունների հանձնաժողովի նախագահը։
– Առաջին անգա՞մ է՝ խորհրդարանական պատվիրակություն մեկնում Միացյալ Նահանգներ։
– Ըստ էության, այստեղ այս այցն անվանում են պատմական, որովհետև, եթե չեմ սխալվում, վերջին 10-15 տարիների ընթացքում այսպիսի խորհրդարանական ներկայացուցչական, բազմակուսակցական պատվիրակություն չի եղել։ Նաև խորհրդարանի մակարդակով է շատ կարևոր, որովհետև Հայաստան-ԱՄՆ բարեկամական խմբով այսպիսի այցեր չենք իրականացրել։
Հարցազրույցն ամբողջությամբ՝ տեսանյութում։