Կանանց միջազգային օրվա կապակցությամբ «Լիդիան Արմենիան» ներկայացնում է փոքր տեսանյութ ընկերության կին աշխատակիցների մասին: Նրանք պատմում են իրենց մասնագիտական և անձնական ձեռքբերումների մասին, խոսում են այն մասին, թե ինչ կարող են բերել կանայք աշխատանքային միջավայր:
Ընկերության հաղորդագրության մեջ ասվում է. «Տեսանյութում ներկայացված են մեր թիմի իգական սեռի ներկայացուցիչներից մի քանիսը միայն, տեսախցիկից այն կողմ մեր թիմում աշխատում են բազմաթիվ կանայք:
Հանքարդյունաբերությունը դեռևս հիմնականում տղամարդկանց ոլորտ է ոչ միայն Հայաստանում, այլև ամբողջ աշխարհում, և դա ոլորտի խնդիրներից մեկն է: «Լիդիան Արմենիան» շարունակում է ջանքեր գործադրել ավելի շատ կանանց ներգրավվելու համար, քանի որ մենք վստահ ենք, որ դա կնպաստի հանքարդյունաբերության ոլորտի բարելավմանը՝ բոլոր առումներով:
Մեր աշխատակազմի 31% կանայք են: Մենք ունենք 8 կին՝ ղեկավար պաշտոններում: Մենք նաև խրախուսում ենք մեր կապալառուներին հնարավորության դեպքում աշխատանքի վերցնել կանանց: 2017 թվականին մեր կապալառուների աշխատակիցների 12% կանայք են եղել, որոնցից 130-ը՝ Ամուլսարի հարակից համայնքներից:
Մեր փոքր և միջին բիզնեսների աջակցման ծրագրերը ևս նպատակ ունեն հնարավորություն տալ տարածաշրջանի կանանց այլընտրանքային կենսամիջոցներ ստեղծելու և տարածաշրջանի սոցիալ-տնտեսական զարգացման մեջ առաջատար դերակատարություն ունենալու համար: Մենք իրականացրել ենք 83000 ԱՄՆ դոլար արժողությամբ 55 սոցիալական զարգացման ծրագիր, որոնք հատուկ մշակված են եղել կանանց համար: Կանանց մեծամասնությունը, ովքեր մասնակցել են մեր ծրագրերին, արդեն ունեն փոքր բիզնեսներ համայնքներում:
Մենք վստահ ենք, որ հանքարդյունաբերությունը կարող է և պետք է շահավետ լինի ոչ միայն ֆինանսական տեսանկյունից, այլ նաև ուղղակիորեն պետք է նպաստի տարածաշրջանում ընտանիքների բարեկեցությանը:
Այս հարցում կանանց դերը հսկայական է: Ամուլսարի ծրագրի զարգացմանը զուգահեռ ավելի շատ կանայք կմիանան մեր թիմին, և մենք վստահ ենք, որ դա նոր հեռանկարներ և հնարավորություններ կստեղծի Ծրագրի համար: Որակավորված լավ մասնագետ գտնելն այսօր դարձել է լուրջ մարտահրավեր ցանկացած բիզնեսում, և մենք վստահ ենք, որ հանքարդյունաբերությունը մեծապես կշահի, եթե ավելի շատ ջանքեր գործադրի կանանց պոտենցիալը բացահայտելու ուղղությամբ:
Այս մոտեցումը կիսում է «Լիդիան ինթերնեյշնլի» կորպորատիվ ղեկավարությունը, որի կազմում երկու կին փոխնախագահ ունենք և Լիդիանի տնօրենների խորհուրդը, որի կազմում նույպես կին կա:
Շնորհավոր Կանանց միջազգային օրը»:
