Ամբաստանյալի դերում են նաև Instagram-ը և WhatsApp-ը` ամերիկյան խոշոր կորպորացիայի դուստր կազմակերպությունները:
BlackBerry սմարթֆոնների վաճառքով զբաղվող կանադական ընկերությունը դատի է տվել Ֆեյսբուք կորպորացիային: Վերջինս մեղադրվում է մտավոր սեփականության իրավունքների խախտման մեջ:
Կանադական կողմը վստահեցնում է, որ սոցիալական ցանցի ղեկավարությունը յուրացրել է BlackBerry-ի նորամուծությունները, քանի որ Instagram և WhatsApp ծառայությունների բարելավման համար օգտագործվել են արդեն արտոնագրված գործիքներ՝ անվտանգության, օգտագործողի ինտերֆեյսի և մարտկոցի գործողության ժամկետների հետ կապված:
Ֆեյսբուքը ժխտում է մեղադրանքները և խոստանում կոպիտ արձագանքել կանադական ընկերության պահանջներին:
