Թուրքիայի իրավապահ մարմինները ԴԱԻՇ ահաբեկչական խմբավորման դեմ գործողության շրջանակում Ադանայում ձերբակալել են 13 անձի, ովքեր, ինչպես ենթադրվում է, որ հարձակում են նախապատրաստել քաղաքում ԱՄՆ հյուպատոսության վրա: Այս մասին հայտնում է թուրքական Diken գործակալությունը:
Ձերբակալվածները հարցաքննության համար տարվել են ոստիկանական բաժանմունք:
ԴԱԻՇ-ի հարձակման վերաբերյալ հետախուզական տվյալների առկայությամբ պայմանավորված Թուրքիայում ԱՄՆ դեսպանությունը մարտի 5-ից երկու օրով դադարեցրել է աշխատանքները: Միաժամանակ դեսպանությունից հորդորել էին Թուրքիայում գտնվող ԱՄՆ քաղաքացիներին զգուշանալ հնարավոր հարձակումներից, հեռու մնալ մարդաշատ վայրերից, ինչպես նաև դեսպանության հարակից տարածքներից: