Արմեն Սարգսյանի նախագահության շուրջ քննարկումներում կարմիր թելի պես անցնում էր մի հարց ՝ Արմեն Սարգսյանը Հայաստանի երրորդ Հանրապետության չորրորդ նախագա՞հն է, թե՞ չորրորդ հանրապետության առաջին նախագահը։ Կոալիցիոն գործընկերներ ՀՀԿ-ի ու ՀՅԴ-ի տեսակետներն այս հարցով խիստ հակադիր էին։ ՀՅԴ-ն պնդում էր, որ գործ ունենք չորրորդ հանրապետության առաջին նախագահի հետ։ ՀՀԿ-ն պնդում էր հակառակը ՝ երրորդ հանրապետության չորրորդ նախագահ։ Ինքը ՝ Արմեն Սարգսյանը ևս, մի անգամ խոսելով իր նախագահության մասին նշել էր, թե ինքը չորրորդ հանրապետության առաջին նախագահն է լինելու։ Ժամանակին ՝ 2016թ․ ապրիլ-հուլիս ամիսներին չորրորդ հանրապետության գաղափարն ակտիվ քարոզվում էր Սասնա Ծռերի կողմնակիցների կողմից։ Արդյո՞ք այս թվաբանական բանավեճը բացառապես ճաշակի հարց է, թե՞ կան կոնկրետ քաղաքական հաշվարկներ, քաղաքական հակադիր հայեցակարգեր ու մոտեցումներ։