ԱՄՆ-ը և Եվրամիությունը չպետք է հարցականի տակ դնեն հրթիռային ծրագրի ստեղծման Իրանի իրավունքը, հարկ է, որ ԵՄ-ն և Միացյալ Նահանգները դադարեցնեն իրենց սպառազինությունների մատակարարումները տարածաշրջանին: Այս մասին Twitter-ում հայտնել է Իրանի ԱԳ նախարար Ջավադ Զարիֆը:
«ԱՄՆ-ը և եվրոպացիները պետք է դադարեցնեն հարյուր միլիարդավոր դոլարների զենքի մատակարարումը մեր տարածաշրջանին և հարցականի տակ չդնեն իրանական հրթիռները»,-ասել է Զարիֆը։
«Իրանի հրթիռային ծրագիրը սահմանափակված չէ ՄԱԿ-ի ԱԽ-ի բանաձևով: Այս ծրագիրն անհրաժեշտ է, որպեսզի թույլ չտրվի մեր մարդկանց տառապանքների կրկնություն»,-հայտարարել Է Իրանի ԱԳ նախարարը:
Զարիֆը նաև նշել է, որ ֆրանսիացի իր պաշտոնակից Ժան Իվ լե Դրիանի հետ Թեհրանում կայացած հանդիպման ընթացքում ընդգծել է անհրաժեշտությունն առ այն, որ Եվրամիությունն ԱՄՆ-ի վրա ճնշում գործադրի իրանական միջուկային ծրագրի վերաբերյալ Գործողությունների համատեղ համապարփակ ծրագրի կատարման հարցում: Բացի այդ, Իրանի արտգործնախարարը հաստատել է Սիրիայում և Եմենում ճգնաժամերի հաղթահարմանը մասնակցելու Թեհրանի պատրաստակամությունը:
Նրա խոսքով՝ «Իրանը միշտ պատրաստ է համագործակցել հանուն տարածաշրջանային խաղաղության, բայց լուրջ գործընկերների հետ, որոնք ընդհանուր նպատակ ունեն և չեն զբաղվում խաղաղարար հնարքների բանեցմամբ»։