Իրանի Իսլամական Խորհրդի Մեջլիսի անվտանգության և արտաքին քաղաքականության հանձնաժողովի նախագահ Ալաեդին Բորուջերին, որը գլխավորում է երկրի պատվիրակությունը Սարատովում հրավիրված առաջին տնտեսական համաժողովում, առաջարկել է երկկողմ անայցագիր ռեժիմ սահմանել Իրանի և Ռուսաստանի համար։
«Իրանի և Ռուսաստանի քաղաքացիների համար անայցագիր ռեժիմի սահմանումը կօգնի երկրների միջև զբոսաշրջության զարգացմանը»,- ասել է Բորուջերին համաժողովի շրջանակում կայացած նստաշրջանում:
Նա հավելել է, որ մեծ հեռանկարներ է տեսնում Ռուսաստանի և Իրանի միջև փոխգործակցության բնագավառում: Երկու երկրների քաղաքացիների անայցագիր զբոսաշրջային ուղևորությունների համաձայնագիրը Ռուսաստանը և Իրանն ստորագրել են 2017 թվականի մարտին՝ Իրանի նախագահ Հասան Ռուհանիի՝ Մոսկվա կատարած այցի ընթացքում։