ՀԱՊԿ-ի միացյալ շտաբի պետ, գեներալ-գնդապետ Անատոլի Սիդորովը «ՀԱՊԿ անդամ պետությունների ռազմական անվտանգության հիմնական սպառնալիքները» թեմայով Մոսկվա-Երևան-Աստանա-Բիշքեկ-Մինսկ հեռուստակամրջի ժամանակ խոսել Հայաստանի և Արցախի հանդեպ պարտավորությունների մասին:
«ՀԱՊԿ-ի բոլոր պայմանագրերը ստորագրված են բացառապես Հայաստանի հետ և, համապատասխանաբար, որոշակի պարտավորություններ կան Երևանի հանդեպ: Հայաստանի քաղաքացիները կարող են համոզված լինել, որ անհրաժեշտության դեպքում ՀԱՊԿ-ն իրենց դժվարության մեջ չի թողնի: Սակայն ՀԱՊԿ-ն իրավունք չունի միջամտել այս կամ այն հակամարտության, որին մասնակցում է կազմակերպության որևէ անդամ երկիր, այդ պատճառով էլ Ստեփանակերտին ռազմական աջակցություն չի ցուցաբերվի»,- հայտարարել է Անատոլի Սիդորովը:
Նա նաև հիշեցրել է, որ Հայաստանն ու Ադրբեջանը մի պետության երկրներ են եղել, որոնք ապրում էին խաղաղ և փոխադարձ հարգանքով, և ավելացրել, որ հանրապետությունների միջև լարված իրավիճակը «մեկը մյուսի մայրաքաղաքը զավթելու առիթ չէ»:
