ԱԺ-ում այսօր՝ մարտի 6-ին, հրավիրվել է արտահերթ նիստ՝ կառավարության նախաձեռնությամբ:
ԱԺ-ում քննարկվում է կառավարության կառուցվածքի և գործունեության մասին օրենքների փաթեթը 1-ին ընթերցմամբ ընդունելու մասին հարցը:
«Կառավարությունը կազմված է վարչապետից, առաջին փոխվարչապետից, 2 փոխվարչապետներից և 17 նախարարներից»,- ներկայացրեց արդարադատության նախարար Դավիթ Հարությունյանը:
Նրա խոսքով՝ կառավարությունը համարվում է կազմավորված, եթե նշանակվել են կառավարության անդամների 2/3-ը: Նախագծով սահմանվել են դեպքերը, երբ վարչապետը պարտավոր է ներկայացնել հրաժարական, մասնավորապես, երբ ձեռք է բերել այլ պետության քաղաքացիություն կամ խախտել է օրենքով նախատեսված անհամատեղելիության պահանջները:
Ինչպես նշեց նախարարը, կառավարության նիստերի օրակարգը պետք է հրապարակվի նիստից 1 օր առաջ. «Կառավարության գործունեության թափանցիկության վերաբերյալ ևս դրությներ են ամրագրված»:
«Ամրագրվել են վարչապետի հրաժարականին հավասարեցված իրավիճակները, օրինակ՝ երբ վարչապետը 5-օրյա ժամկետում չի ներկայացնում կառավարության կազմավորման համար անհրաժեշտ թվով թեկնածուներ: Վարչապետի և փոխվարչապետի լիազորությունների ապահովման համար նախատեսվել է վարչապետի աշխատակազմի վերաբերյալ դրույթը, որը ձևավորում է հենց վարչապետը, իսկ փոխվարչապետներին սպասարկելու է համապատասխան գրասենյակը»,- ասաց նա:
Նախատեսվել են դրույթներ կառավարության նիստերի անցկացման, քվորումի վերաբերյալ, հատկապես ճգնաժամային իրավիճակներում, օրինակ՝ պատերազմական իրավիճակում:
Մանրամասները՝ տեսանյութում: