Հայաստանի ԱԻՆ-ում, այսօր՝ մարտի 6-ին, ժամը 00:04-ին ահազանգ է ստացվել, որ Կոտայքի մարզի Եղվարդ քաղաքի Չարենցի փողոցում՝ դատարանի մոտակայքում, տեղի է ունեցել ավտովթար, բախվել են «ВАЗ-2106» եւ «Opel» մակնիշի ավտոմեքենաները, վարորդն ավտոմեքենայում արգելափակված է. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Չարենցի փողոցի տներից մեկի մոտակայում բախվել են «Opel» մակնիշի 35 CF 756 (վարորդ՝ 48-ամյա Գեւորգ Ա.) եւ «ВАЗ-2106» մակնիշի 21 SU 799 (վարորդ՝ 46-ամյա Գառնիկ Մ.) պետհամարանիշերով ավտոմեքենաները. «ВАЗ-2106» մակնիշի ավտոմեքենայի վարորդն արգելափակվել է ավտոմեքենայում:
Փրկարարները հոսանքազրկել են ավտոմեքենաները եւ փակել գազի բալոնի փականները, «ВАЗ-2106» մակնիշի ավտոմեքենայի վարորդին դուրս են բերել ավտոմեքենայից եւ մոտեցրել շտապօգնության ավտոմեքենային: Տուժածը տարբեր աստիճանի մարմնական վնասվածքներով հոսպիտալացվել է Երեւան քաղաքի «Արմենիա» ՀԲԿ, որտեղ բժիշկները նրա առողջական վիճակը գնահատել են կայուն ծանր:
Մինչ փրկարարների կանչի վայր հասնելը` «Opel» մակնիշի ավտոմեքենայի վարորդը հոսպիտալացվել է Եղվարդ քաղաքի ԲԿ, որտեղ բժիշկները նրա առողջական վիճակը գնահատել են միջին ծանրության: