«Առաջին լրատվական»-ի հյուրն է ՀՀԿ պատգամավոր, ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը։
– Պարոն Մինասյան, պատկերացնո՞ւմ եք Վազգեն Սարգսյանի ներկայությունը մեր օրերում։
– Հեշտ հարց չեք տալիս։ Ես կարծում եմ՝ որևէ մեկը կդժվարանա այդ հարցին պատասխանել։ Այո՛, պատկերացնում եմ։ Պատկերացնում եմ բոլորովին ուրիշ կարգավիճակով, քան մենք բոլորս իրեն ճանաչում ենք։ Պատկերացնում եմ իրողությունների ազդեցությամբ, էլ ավելի խոհեմացած։ Գիտեք՝ ես այն ժամանակ շատ հանդիպումներ չեմ ունեցել Սպարապետի հետ՝ 7-8 հանդիպում, և այդ ընթացքում ակնհայտորեն երևում էր, որ ինքը ամեն մի նոր հանդիպման ժամանակ հառնում էր իմ առաջ շատ ավելի խոհեմացած, շատ ավելի մեծ մտահորիզոնով քաղաքական գործիչ։ Եթե այդ ընթացքը շարունակվեր՝ ես կարծում եմ, որ մենք կունենայինք չափազանց լիարժեք պետական գործչի, որի կարիքը ցանկացած երկիր ունի, նույնիսկ՝ զարգացած երկիր։
Հարցազրույցն ամբողջությամբ՝ տեսանյութում։