Սումգայիթյան ոճիրից 30 տարի անց այդ իրադարձությունների վերաբերյալ շահարկումների պակաս չի զգացվում։ Կրեմլի սիրված քաղաքագետներից մեկը՝ տխրահռչակ քաղաքագետ Սերգեյ Կուրղինյանը նախօրեին հարցազրույց է տվել «Վեստի Կավկազա» լրատվական-վերլուծական կայքին, հանդես գալով, այսպես ասած՝ սենսացիոն բացահայտումներով։ Կուրղինյանը խոսել է 30-ամյա վաղեմության իրադարձությունների՝ 1988-ի փետրվարին Սումգայիթում տեղի ունեցած հայկական կոտորածների մասին։ Քաղաքագետը պնդում է, որ Սումգայիթի ջարդերը կազմակերպել են ոչ թե ադրբեջանցիները, այլ միջազգային կազմակերպությունների կողմից վարձված կողմնակի մարդիկ՝ հայ-ադրբեջանական կառավարելի հակամարտություն հրահրելու, իր իսկ ձևակերպմամբ՝ դեմոկրատական և լիբերալ միֆեր տարածելու նպատակով։ Կուրղինյանն ակնհայտորեն գտնվում է Ռուսաստանի նախագահ Վլադիմիր Պուտինի վերջին ելույթի, այսպես ասած, ազդեցության տակ, կամ ուղղակի կատարում է Կրեմլի շրջանակների քարոզչական պատվերը։
«Առաջին լրատվական»-ի զրուցակիցն է Սումգայիթում զոհվածների հարազատների վստահված անձ, այդ դեպքերը լավագույնս ուսումնասիրած Հրայր Ուլուբաբյանը։
Հարցազրույցն ամբողջությամբ՝ տեսանյութում։