Որպես կին ներկայացած տղամարդու նկատմամբ բռնություն գործադրելու դեպքով անձին մեղադրանք է առաջադրվել: Այսօր՝ մարտի 5-ին, ՀՀ քննչական կոմիտեի մամուլի ծառայությունից տեղեկացրին, որ անձին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով՝ դիտավորությամբ առողջությանը ծանր վնաս պատճառելը:
Անձը, որին մեղադրանք է առաջադրվել, սոցիալական ցանցի միջոցով ծանոթացել է եւ պայմանավորվածություն է ձեռքբերել որպես կին ներկայացած օգտատիրոջ հետ գումարի դիմաց սեռական հարաբերություն ունենալու շուրջ: Նա պայամնավորված ժամին պայմանավորված վայր է այցելել, պարզվել է, որ որպես կին ներկայացածն իրականում տղամարդ է, որից հետո նրա նկատմամբ բռնություն է գործադրել:
Նշենք, որ անձը, որին մեղադրանք է առաջադրվել, կալանքի տակ չէ: