Սիրիական ժողովրդավարական ուժերը (SDF), որը հիմնականում կազմված է քրդական ջոկատներից, հաղորդել են սիրիական Ռաջո քաղաքում 59 թուրք զինվորների մահվան մասին: Այս մասին հաղորդում է Firat քրդական գործակալությունը:
«Վերջին 24 ժամերին թուրք զինվորականների ներխուժումը Աֆրին շարունակվում է: SDF-ը ստիպված էր պաշտպանել բնակչությանը թուրքական բանակի և նրա դաշնակիցների հարձակումներից»,- ասվում է հաղորդագրության մեջ:
Գործակալության տվյալներով՝ մարտերն ընթանում են Ռաջո քաղաի արևմտյան մասում:
Թուրքիայի Գլխավոր շտաբը հայտարարել է, որ վերջին օրերին զինվորականները Սիրիայի տարածքում ոչնչացրել են ավելի քան 80 ահաբեկիչների:
