«Առաջին լրատվական»-ի զրուցակիցն է Մերձավոր Արևելքի և Կովկասի հարցերի փորձագետ Ստանիսլավ Տարասովը:
-Պարոն Տարասով, հրապարակվել է միջազգային անվտանգության վերաբերյալ ԱՄՆ հետախուզության զեկույցը, որտեղ նշվում է այս տարի Արցախում լայնամասշտաբ պատերազմի սպառնալիքի մասին, քանի որ կողմերը չեն ուզում փոխզիջումների գնալ: Ինչպե՞ս եք գնահատում այդ զեկույցը:
-Ամերիկացիները, ընդհանրապես, շատ են զեկուցում, բայց պետք է աշխատել: Ամերիկացիները շատ բան են խառնել Մերձավոր Արևելքում, Աֆղանստանում, Իրաքում, Լիբիայում, հիմա անում են Սիրիայում: Պետք է հասկանալ մի շատ հստակ բան. նրանք կամ պետք է հանուն ինչ-որ ազնիվ նպատակների հասնել ժողովուրդների ազատագրման, կամ էլ՝ ամերիկացիները դուրս կշպրտվեն Մերձավոր Արևելքից, ինչն էլ տեղի է ունենում: Ռուսաստանը պատահական չի հայտնվել Սիրիայում: Դեռևս ԽՍՀՄ փլուզումից հետո ամերիկացիները գերիշխում էին այնտեղ ու հիմա բեմադրություն են ներկայացնում: Այն, ինչ հիմա նրանք այնտեղ անում են, հավատացեք, դրա համոզիչ պատասխանը ստանալու ենք ոչ շուտ, և մի մտածեք, թե ես դա գիտեմ:
–Իսկ ինչպե՞ս եք գնահատում Ադրբեջանի նախագահ Ալիևի հայտարարությունը, որ պետք է «վերադառնան» Երևան ու Զանգեզուր, որոնք իրենց պատմական հողերն են:
-Դրանք հեքիաթներ են, լուսանցքային պատմություններ են: Ալիևը սովորելել է ՄԳԻՄՈ-ում, ես սովորել եմ Բաքվի համալսարանում, ես 5 տարի ուսումնասիրել եմ Ադրբեջանի պատմությունը, նա 5 տարի սովորել է Ամերիկայի պատմությունը: Նրա համար առաջին լեզուն ռուսերենն է, երկրորդը՝ անգլերենը, երրորդը՝ ադրբեջաներենը: Ի՞նչ եք ուզում Ալիևից, նա ՄԳԻՄՈ-ի շրջանավարտ է, Ռուսաստանի ամենավատ համալսարանի:
-Ինչո՞ւ է Ռուսաստանը շարունակում զենք վաճառել Ադրբեջանին:
-Մեզ մոտ կան սպեկուլյանտներ, որոնք ցինիկորեն վարում են այդ քաղաքականությունը: Դա, ընդհանրապես, անհասկանալի քաղաքականություն է:
-Իսկ չե՞ք կարծում, որ պետք է Ռուսաստանը փոխի իր քաղաքականությունը:
-Ում հանդեպ, հայերի՞: Գիտեք, հայերը, մեր դաշնակիցներն են, եղբայրներն ու ընկերները: Ինչ վերաբերում է Ադրբեջանին զենք վաճառելուն, գիտեք, հրեաներն էլ էին զենք վաճառել Վրաստանին:
-Այսինքն՝ Դուք խնդիր տեսնում եք, որ Ռուսաստանը զենք է վաճառում Ադրբեջանին:
-Իհարկե, տեսնում եմ խնդիր, այն պետք է լուծել: Այդ անոմալիան նախագահական ընտրություններից հետո կվերանա: