Երևանի ընդհանուր իրավասության դատարանի Շենգավիթ վարչական շրջանի նստավայրում այսօր` մարտի 2-ին, Սեֆիլյանի և մյուսների գործով դատական նիստին պաշտպանական ճառի հրապարակման ժամանակ դատարանը պարբերաբար 5 րոպեանոց ընդմիջումներ էր հայտարարում: Ամբաստանյալներից Ժիրայր Սեֆիլյանի և Ներսես Պողոսյանի շահերի պաշտպան Արայիկ Պապիկյանի պաշտպանական ճառը բավականին երկար էր ու հիմնավորումներով, որոնք ցուցադրվում էին սլայդերի տարբերակով: Արայիկ Պապիկյանը երկարատև ընդմիջում խնդրեց , սակայն դատավոր Տաթևիկ Գրիգորյանը հայտարարեց, որ 5 րոպեից են շարունակելու դատը: «Ես չեմ հասցնի հանգստանալ»,-արձագանքեց Տաթևիկ Գրիգորյանը, սակայն դատավորը արհամարանքով դուրս եկավ դահլիճից:
Ավելի ու Արայիկ Պապիկյանը հայտարարեց, որ երկար ընդմիջման անհրաժեշտություն կա, քանի որ արդեն 4 ժամից ավելի հրապարակվում է պաշտպանական ճառը եւ հանգստանալու և սնվելու հնարավորություն չի տրվում իրենց: Դատարանը բավարարեց պաշտպանի միջնորդությունը և հայտարարեց 30 րոպեանոց ընդմիջում: Ամբաստանյալներից Գեւորգ Սաֆարյանի շահերի պաշտպան Տիգրան Եգորյանը հայտարարեց, որ դատարանը պետք է ավելի շուտ բավարարեր պաշտպանական կողմի միջնորդությունը և երկար ընդմիջման հնարավարություն տար` չոտնահարելով դատական նիստի մասնակիցների իրավունքները:
«Ձեր պահվածքն անընդունելի է եւ Ձեզ թող չթվա, որ մարդկանց հետ կարելի է այսպես վարվել: Էստեղ մենք չորս ժամ նստելուց հետո չենք կարող չունենալ հնարավորություն տարրական անհրաժեշտությունները հոգալու համար: Դուք Ձեզ նման պահվածք թույլ տալ չեք կարող, Դուք պարտավոր եք մեզ ընդմիջում տրամադրել, ես պահանջում եմ 40 րոպեանոց ընդմիջում»,-ասաց նա:
